Rik’in rochb’eninkileb’ li junkab’al sa’ k’aleb’aal na ajman ru li roksinkil jun ak’ nawom chirix li xk’ajelankil li awimj. Ink’a nokok’anjelak rik’in naab’al li poyanam. Noko k’anjelak b’an rik’in ch’oolej: Rik’in xk’utb’esinkil nawom ink’a jwal ch’a’aj, eb’ k’alom te’ xtaw ru naq li ch’och’ naru xchaab’ilob’resinkil chi tz’aqal re ru ut eb’ li na’leb’ a’in nake’ xk’e rusilal re naq li ru li awimj wanq junelik. A’in naraj na xye naq kaw b’ayaq ru xb’eresinkil chiru li k’utuk ak’ b’aanuhom. Li k’anjelk ch’och’ na xtaw xna’aj sa’ xchamal li reek’ahom li xyu’amil na’leb’ laj k’alom re li junjunq chi tenamit, jo’kan naq li xjalajik li k’anjelak ch’och’ li na xtenq’a li tzuul taq’a ut li qa sutam kajwi’ naru xtawb’al wi na xtaw li xchamal li xe’toonil na’leb’ laj k’alom. Li xjalajik li yu’amil na’leb’ a’in na xk’am naab’al hoonal ut kuyum. Na ‘ajman ch’oolej re xnawb’al naq li wan sa’ li qa sutam – li ch’och’, li ha’, li k’iche’ ut li iq’- a’an na k’eho’k yu’am ut na ke’ xchapi rib’eb’ chiribileb’ rib’ chixjunieb’.

Li xyi li ku’tuk:

  • Xk’ak’alenkil ut xchaab’ilob’resinkil li ch’och’ rik’in roksinkil li k’a’aq reeru li na q’a ut ink’a na xtzajni li ha’ ut li iq’.
  • —Xramb’al li xq’unal ut xq’emal li ch’och’ chiru li ha’.
  • Rawb’al k’ila paay ru li awinj re xwa ruk’a’ li junkab’al.
  • Rawb’al k’ila paay ru li awimj re k’ay.
  • Xkawresinkil li ch’och’ re naq junelik wanq li k’a’aq reeru re li tzekemb’ej ut ink’a’ xtawasinkil li ch’och’.
  • Xk’ub’ankil tzekemb’ej chi jalanil paay ru rik’in li k’a’aq reru li na’el sa’ li ch’och’.
  • Xk’eeb’al b’ayaq li to’tumin re xwaklesinkil li junkab’al sa k’aleb’aal.
  • Xsik’b’al b’ar xk’ayinkil li awimj li toj na’el ut li k’ub’amb’il.
  • Xkawresikil ut xxaqab’ankil eb’ laj jolominel re li ch’uut.

Descargar mas información

Chalen toj sa’ xtiklajik, li xsik’b’al jun li chaab’il na’leb’ xchapom rib’ re k’anjelak ch’och’, li na xb’eresi rib’ xjunes ut li naroksi junes li k’a’aq reeru li na q’a ut naxk’e xkawub’ ut xwanjik li che’, k’aam, atzum ut xul re li tzuul taq’a, ab’anan chaab’ilaq ut t’zaqalaq reeru, naq tikla li xb’eresinkileb’ laj ka’njel ch’och’ sa’ waxaqib’ chi k’aleb’aal (254 chi aj awinel) sa’ li na’leb’ re awk che’ li ink’a naraqe’. Ki k’anjelaman kaahib’ xkaak’aal chi kok’ na’ajej chi junjunqal ut kaalaju chi ko’k na’ajej re k’utb’esink.

Xqa k’e reetal naq li raqal re li k’anjel a’in re yalok, ki’usa ut jwal chaab’il ki’el, ut a’an li ki eek’asin qe re naq moqon truuq xk’amb’al li k’anjel a’in sa’eb’ li k’aleb’aal, jo’ka naq sa’ li chihab’ 2004 rik’in li xtenq’al li molam MISEREOR ALEMANIA, ki tikla jun xb’eresinkil chi t’zaqal ut chi nach’ li xjunkab’aleb’ chixjunileb’ li saaj’al li neke’tzolok arin ut li te’ ajoq re li na’leb’ a’in. Ki b’aanuman Kandel re xramb’al li xq’unal li ch’och’, xk’ilapayinkil ru li awimj, ut xchaab’ilob’resinkil li rawb’al li keeq’ ut ixim, rik’in roksinkil li aboon pim keeq’ kawaall chankeb re. Sa’ junjunq chi k’aleb’aal yo chi k’utuunk li ru li k’anjel a’in rik’in roksinkil li na’leb’ li na k’utman sa li tzoleb’aal, jo’kan naq nauxman li k’anjel rek’ineb li ch’uut ut ulas’aninb’ileb’ xb’an ju li promotor.

Eb’ li ch’uut li neke’ k’anjelak kajwi’ rik’ineb wiinq yoo chi xt’zeqtaanankil yiijach li poyanam re li tenamit. Eb’ li Ixq maji’ k’eeb’ileb’ t’zaqal sa’ ajl sa li roksinkil chaab’ilob’resimb’il k’anjel, sa’ li xsik’b’al ru li awimj li te’ awmaanq, rik’in li rilb’al li majelal ut xsik’b’al li xb’ehil re elk chisa’ ut li rilb’al chanru xraab’al li xq’unal li ch’och’, li rilb’al naq wanq li xwa ruk’a’ chi naab’al ut k’ila paay ru re chixjunil li chihab’. Wan ajwi’ jun li xk’ulub’ ut chab’il k’anjel re xjaltesinkil ut xk’ayiinkil li ru li awimj li na’e sa’ li ch’och’

Rik’ineb’ li ixq na’uxman li k’anjel rik’in kok’ awimj re k’ub’am, ab’an na’uxman ajwi’ k’anjelak rik’in kok’ ketomj jo’ li kaxlan ut kuy. Li k’anjel rik’ineb’ ketomj ut li rula’anikileb’ li junkab’al na’uxman rik’in jalanjalanq chi kok’ na’leb’, jo rik’in li xjunxaqalil li ixq li xb’eresinkil li junkab’al. Naqanaw naq eb’ li junkab’al neke’raj k’anjelak rik’in awimj li nak’eok tumin jo’ li pix. Ab’anan naqanaw ajwi’ naq li ch’och’ arin sa’ li qa teepal ink’a natenq’an xb’an naq tiqwal ch’och’. Ut jo’kan ajwi’ li poyanam ink’a k’ayjenaqeb’ chi xk’anjelankil chi jwal chaab’il jo na’ajman rik’ineb’ li awimj a’in, xb’an naq na’ajman xt’aqresinkil ut xtenq’ankil rik’in naab’al li xq’emal li ch’och’.

Vimos que es desmotivante tanto para las promotoras como para las madres de familia manejar cultivos exóticos que dependen demasiado de condiciones climáticas que en nuestra región se dan que excepcionalmente. Vimos por eso la necesidad de ir por lo seguro, porque resulta difícil reanimar una madre de familia de retomar el trabajo después de fracasos. Por eso renunciamos en gran parte en la propagación de cultivos exóticos y optamos por las semillas nativas. Se ha visto que funcionan mejor en los huertos, son más utilizadas en la cocina y sustituían a los otros. Esperan que de esta manera tanto las mamas como las promotoras se puedan sentir más seguras porque esperamos que de esta manera el fruto de su trabajo se garantiza mas y de lo fácil podremos proceder a cosas más difíciles si el proceso lo requiere. Nuestro objetivo principal es incidir en el cambio de actitudes, sembrar convicciones y fortalecer motivaciones.

FaLang translation system by Faboba